لا أعرف الشخص الذي حدثني
ارسل لي طلب صداقة على الفيس بوك منذ
ايام وانا قبلت.
قلت له وكأني استعيد رشدي
انا مش مرتحالك لاني ما بعرفك
رد بانه شخص رومنسي
حكيتلو رومنسي بغزة ؟
حكالي هادي مشكلتي
قلتلو ليش مشكلة مش الكهربا قاطعة
اغلب الوقت يعني الجو مهيء جدن الك انك تولع الشمع تعيش الرومنسية
رد بأن الرومنسية مش شمعة الرومنسية
حنان وفرح وانطباع واحساس
تجاوزت الكلام رغم اني لم افهمه
ايش يعني احساس وانطباع وحنان وفرح ؟
استرسل بحديثه وقال بعد فترة قصيرة
هطلع من البلد ادور على مستقبل وامل
مستقبل؟ وامل ؟ يا الهي ما هذا الكلام
!
حذفته لاني لم احتمل كل هذا الكم من
المصطلحات الخيالية
انا فعلا محدودة الخيال , لا أنكر
