يمكن شركة الكهربا فشلت انها
توفرلنا كهربا 24 ساعة
بس في حجات تانية ما غفلت عنها
نحلل الموضوع مع بعض ؟
كهربا قاطعة = عتمة
عتمة =جو مهيء للنوم
والنوم شو بدو ؟
بدو قصة ما قبل النوم
وهي قصة ما قبل النوم برعاية
المهندس احمد ابو العمرين مدير مركز المعلومات بسلطة الطاقة
http://alray.ps/ar/index.php?act=post&id=107686
تدور احداث القصة حول شخصية اطلق
عليها الكاتب اسم العم صابر وهي شخصية ترمز للشعب الفلسطيني
العم صابر وضعو المادي مش تمام
كتير وعندو مولد كهربا زغير اوقات بيكون البنزين موجود بس هو ما معو فلوسات يشتريه
واوقات بيكون معاه فلوسات بس
ما في بنزين
النتيجة لهادا كلو انو العم صابر
وعيلتو بيقضو اغلب يومهم بالعتمة
القصة حققت الهدف بالنسبة والي
وانا عالغالب هروح انام
بس الناس الي هيضلو صاحيين ازا
فيكم حدا بيعرفو لأحمد العمرين رجاءن احكولو
ان العم صابر مش صابر
بس يمكن معندوش خيار تاني
